په‌نج تويشهاتگ وه كۆرۆنا له كوردستان خاسه‌وبوين و تويشبوين تازه‌يش له زيقار تۆماركريا
2020-06-08T20:48:01+00:00
شه‌فه‌ق نيوز/ سه‌رچه‌وه‌يل پزيشكى، ئاشكراى خاسه‌وبوين په‌نج تويشهاتگ وه ڤايرۆس كۆرۆنا له پاريزگاى دهۆك له هه‌رێم كوردستان كرد، ئاماژه‌يش وه تۆماركردن تويشبوين تازه وه په‌تاگه له پاريزگاى زيقار كريا له باشوور عراق.
سه‌رچه‌وه‌يگ پزيشكى له زيقار ئه‌را ئاژانس شه‌فه‌ق نيوز وت: ئيواره‌ى ئمڕوو فه‌رمانگه‌ى ته‌ندروستى له پاريزگاگه، 26 حاڵه‌ت تويشبوين وه ڤايرۆس كۆرۆنا تۆمار كردگه.
سه‌رچه‌وه‌گه هه‌ميش وت: ئه‌و حاڵه‌ته‌يل تويشبوينه ته‌ئكيد له‌ليان كرياگه دوياى ده‌ركه‌فتن ده‌رئه‌نجام وشكاننيان له تاقيگايه‌يل تايبه‌ت ك تويش وه ڤايرۆسه‌گه بوينه.
