په‌رله‌مانتاريگ باس له خوه‌ينيشانداين "مليارى" ئه‌كا
2020-01-26T19:11:45+00:00
شه‌فه‌ق نيوز/ فايق شێخ عه‌لى ئه‌ندام ئه‌نجومه‌ن نوێنه‌ره‌يل عراقى، باس له خوه‌ينيشانداين مه‌ردم ناسريه‌ى ناوه‌ند پاريزگاى زيقار كرد.
شێخ عه‌لى له ماڵپه‌ڕ كۆمه‌ڵايه‌تى توێته‌ر وت: ئه‌يه ته‌نيا له ناسريه له رووژ يه‌كشه‌ممه 26 كانون دويه‌م 2020 مليۆنى بوێ، ئه‌ى ئه‌گه‌ر گرديانه‌و بكرياتاد له‌گشت عراق شماره‌يان بوياده چه‌نيگ؟! ئه‌كيد مليارى بوياد.
جى باسه، شێخ عه‌لى هه‌ميش وت: سڵام له ناسريه‌و له شه‌هيده‌يلى و له مه‌ردم و جايه‌ڵه‌يلى و هووزه‌يلى و سه‌ركرده‌يلى و قاره‌مانه‌يلى، سڵام له زه‌لگاوه‌يلى، سڵام له زه‌قوره‌يلى، سڵام له هه‌ركه‌سيگ له‌تى ژيه‌ێد.
