يه‌كێتى ئۆرپا 2،8 مليۆن دۆلار پيشكه‌ش كرده مناڵه‌يل عراق
شه‌فه‌ق نيوز/ يه‌كێى ئۆرپا، ئاشكراى ئه‌وه كرد به‌شدارييگ دارايى وه بڕ 2،8 مليۆن دۆلار ئه‌مركى پيشكه‌ش ئه‌كا ئه‌را وه‌هاناڕه‌سين مناڵه‌يل عراقى له كه‌مپ ئاواره‌يل، ريكخرياگ يونسێفيش ئاماژه وه ئه‌وه كرد ئه‌و داراييه تائيسه مناڵه‌يل له نه‌خوه‌شى "زگچين و كولێرا" قورتار كردگه.
له‌ى باوه‌ته‌و، نێرده‌ى يه‌كێتى ئۆرپا له به‌ياننامه‌يگ ئه‌را ئاژانس شه‌فه‌ق نيوز وت: ئه‌و به‌شداريه ك يه‌كێتيه‌گه له‌ى دوياخره وه بڕ 2،8 مليۆن دۆلار ئه‌مريكى پيشكه‌شى كردگه، وه‌هاناڕه‌سين ئه‌را 90،000 كه‌س دابين كردگه ك نيمه‌يان مناڵن له كه‌مپه‌يل ته‌وارى له سلميه و حه‌ماح عه‌ليل و هه‌ردوگ كه‌مپه‌يل جه‌دعه‌ى 1 و 5 له پاريزگاى نه‌ينه‌وا.
باس له‌وه‌يش كرد 39% له مه‌ردم عراق ئاو خواردن وه‌ده‌سيان ناكه‌فێد، وه‌لێ بارودوخ سه‌خت وه‌شيوه‌يگ تايبه‌ت روێ له زيايبوين ئه‌كا له‌لاى هه‌زاران خيزان ك له‌ناو كه‌مپه‌يل ژيه‌ن و پشت وه پشتگيرى مرۆيى به‌سانه له‌وه‌ر خاتر مه‌ندنه‌وه.
