کوشتن ١٤ داعشی لە بیاوان ئەنبار
شانەگە لە بەیاننامەیگ رەسیە ئاژانس شەفەق نیوز وت: دەزگای هەواڵگری ئۆپراسیۆنیگ وەگورەی زانیاریەیل هویرد و کاریگ مەیدانی جیوەجی کرد کە لە ماوەی دوو مانگ وەردەوام بوی ئەرا وەدیکردن شوین سەرکردەیل گرنگ چەتەیل داعش لە بیاوان ئەنبار، لە ناوچەی حزێمی خوەرهەڵات دووڵ غدف لە چوار دیوەخان دویروەدویر.
دیاری کرد کە ئەو مار وەردەوامە رەسیە شوین ئی میوانخانەیلە و ئەو ئەندامەیل تیرۆریە.
دووپات کرد کە لە ساعەت ٤٠٠ شەفەق دویەکە پەنجشەممە، و لەوەر سەختی جوگرافیای ناوچەگە، دەسکریا گورزەیل ئاسمانی و ناکاوی وەبان گشت ئەو شوینەیلە، ئیجا ئۆپراسیۆن داوەزیان ئاسمانی ئەرا کەرتەیل، وە هەماهەنگی هەواڵگری و هونەری وەگەرد هاوپەیمان ناودەوڵەتی.
شانەگە وتیش: دویای تەقەکردن لەو کەسەیلە کە لە گورزەیل ئاسمانی مەرەقەز بوینە، شمارەی کوشیاگەیل داعش لە بیاوان و ئەشکەفتەیل رەسیە ١٣ تیرۆست، بەشیگیان پشتین بومبی بەساوێد و بومب دەسی هەڵگردوێد.
وتیش: زانیاریەیل هەواڵگری نشان دەن کە سەرکردەیل گرنگ لە رز یەکەم چەتەیل داعش تیرۆرست هانە ناو کوشیاگەیل، و گشت دیوەخانەیل وەگەرد چەک و کەرەستەیل لۆجیکی ویران کریا
