کوشیان و زەخمداری شمارەیگ ئەندام دەزگای دژە تیرۆر وە تەقیان بۆمب لە نەینەوا
2026-05-24T09:33:12+00:00
شەفەق نیوز ـ نەینەوا
سەرچەوەیگ ئەمنی، ئمڕوو یەکشەممە، خەوەردا لە کوشیان و زەخمداری ئەندامەیل دەزگای دژە تیرۆر وە تەقیان بۆمب لە نەینەوا.
سەرچەوەگە وە ئاژانس شەفەق نیوز وت، بۆمبەگە لە دورگەی حەزر لە پارێزگاگە تەقیاس.
وتیش؛ بویەسە مدوو کوشیان دوو ئەندام دەزگاگە و زەخمداری 5 کەس ترەک.
لە رویداویگ جیا، سەرچەوەگە خەوەردا لە کوشیان گەنجیگ لەداڵگبوی 2001 وە مدوو تەقیان مین لە بەرزایەیل تەیب کە کەفێدە بان کڕ سنوور ناوەین ئیران و عراق لە چوارچمگ سنوور ئیداری میسان.
وتیش؛ "وەپای نیشانەیل سەرەتایی مینەە گلەوخوەد ئەرا گوزەشتە، ناوچەگە تا ئیسە تەقەمەنی و مین وەجیماگەیل جەنگ هەشتاگان گرێدەخوەی، کە ماوەی جاریگ بوودە مدوو قوربانیبوین".
