کوشیان و زەخمداری ٥ کەس وە رویداویگ هاتوچو ناوەین دوو پارێزگا
2024-01-26T12:11:55+00:00
شەفەق نیوز/ سەرچەوەیگ ئەمنی لە سەڵاحەدین، ئمڕوو جمعە، خەوەردا لە کوشیان و پەنج کەس وە رویداویگ هاتوچو لەبان ری کەرکوک.
سەرچەوەگە ئەرا ئاژانس شەفەق نیوز وت: سێ کەس لەیەک خیزان کوڕیگ ها ناویان گیانیان لەدەس دان، و دوو کەسیش زەخمدار بوین لە ئەنجام رویداویگ هاتوچو ناوەین دوو ماشین لەبان ری دووزخورماتوو - کەرکوک نزیک سنوور قەزای داقووق.
وتیش؛ هوکار رویداوەگە لەئەنجام تەقیان تایەر ماشینیگ بوی و هەڵپڕکیان رانندەگە کە داد لەو ماشینەگە، وتیش: تیمەیل فریاکەفتن قوربانیەیل ئەرا فەرمانگەی پزشک دادوەری بردن، و زەخمدارەیلیش ئەرا خەسەخانە، و دەسەڵاتەیل هاتوچو لێکۆڵینەوە لە رویداوەگە واز کردن.
هیمان ری بەغداد - کەرکوک هەرلە دیالە تا رەسێدە پارێزگایل باکوور رویداوەیل هاتوچو فرەیگ توومار کەێد، لەوەر قەرەباڵغی هامشوو و بەدی ریەگە.
