کوشیان ژنیگ وە چەقوو دویای ئەوەگ کەسیگ نەناسریاگ هەڵکوتێدە بان ماڵەگەی لە بەغداد
2024-08-08T12:14:56+00:00
شەفەق نیوز/ سەرچەوەیگ لە پۆلیس ناوخوەیی، ئمڕوو پەنجشەممە، خەوەردا لە کوشیان ژنیگ وە چەقوو وەلایەن کەسیگ نەناسریاگ کە هەڵکوتاسە بان ماڵەگەی لە ناوچەی "غەزالیە" لە بەغدای پایتەخت.
سەرچەوەگە وە ئاژانس شەفەق نیوز وت، کەسیگ نەناسریاگ هەڵکوتاسە بان ماڵیگ لەناوچەی غەزالیە و خاوەن ماڵەگە کوشتیە کە لەداڵگبوی 1978ە و چەقوو وەکارهاوردیە و ئەرا شوین نادیاریگ وایە.
سەرچەوەگه وتیش، ژنەگە وە تەنیا لەناو ماڵ بویە، هێزە ئەمنیەیل رەسینەس شوینرویداوەگە و وەدویاچگن ئەرا کامیرەیل چەودێری کەن ئەرا ناسین تاوانبارەگە.
