کوشیان ژنیگ و زەخمداری دوو کەس و پویچەڵکردن تەقەلای سزانن ماڵیگ لە دیالە
2024-08-11T06:19:23+00:00
شەفەق نیوز/ سەرچەوەیگ ئەمنی لە دیالە، ئمڕوو یەکشەممە، خەوەردا لە کوشیان ژنیگ و زەخمداری دوو کەس لە ئەنجام وەردەوەردەیگ چەکدار لە ناحیەی خان بەنی سەعد باشوور خوەرئاوای پارێزگاگە.
سەرچەوەگە ئەرا ئاژانس شەفەق نیوز وت: ئەو رویداوەیلە لە ناحیەی خان بەنی سەعد دویەشەو وە دەمەقاڵیگ ناوەین گەنجەیل ناوچەگە دەسوەپی کرد، تا رەسیە وەکارهاوردن چەک، و بویە هوکار زەخمداری دوو کەس و کوشیان ژن پیریگ لە ئەنجام تەقەکردن هەڕەمەکی.
وتیش: کەسوکارەیل ژنەگە تەقەلا دا سێ ماڵ لەو لایەنەگە ئاگر بیەن.
سەرچەوەگە وتیش: دەزگایل ئەمنی رەسینە شوین رویداوەگە و ٩ کەس دەسگیر کردن، و بکوشەگە هاناویان.
