واران و ئەور و تریشقە.. کەشوهەوای عراق لەی چوار رووژ بانانە
دەسەگە لە بەیاننامەیگ رەسیە ئاژانس شەفەق نیوز وت: کەشوهەوای سوو چوارشەممە، لە ناوچەی ناوڕاس نیمچە ئەورە و جاروباریش ئەور تەواوە وەگەرد دەرفەت واران وەگەرد ئەور و تریشقە، و لە ناوچەیل باکوور و باشوور نیمچە ئەورە و جاروباریش ئەور تەواوە وەگەرد واران سووکیگ، و پلەی گەرمی لە بەشەیل ناوڕاس و باکوور نزیک رووژ وەرجەخوەیە، و لە ناوچەی باشوور کەمیگ لە رووژ وەرجە خوەی داوەزێد.
بەیاننامەگە وتیش: ک
ەشوهەوای رووژ پەنجشەممە، لە ناوچەی ناوڕاس ئەوە وەگەرد واران ناوڕاس تا واران رفتیگ وەگەرد ئەور و تریشقە، و لە ناوچەی باکوور ئەورڵ وەگەرد وارانیگ ناوڕاس و تریشقە، و لە ناوچەی باشوور ئەورە وەگەرد واران سووکیگ تا ناوڕاسیگ، و پلەی گەرمی لە ناوچەیل ناوڕاس و باکوور کەمیگ لە رووژ وەرجە خوەی داوەزێد، و لە ناوچەی باشوور کەمیگ لە رووژ وەرجە خوەی بەرزترەو بوود.
وتیش: رووژ جمعە، لە ناوچەی ناوڕاس و باکوور رووشنە وەگەرد لەکە ئەوریگ، و لە ناوچەی باشوور ئەورە وەگەرد نمە وارانیگ تا واران ناوڕاسیگ وەگەرد گرموهڕ، و پلەی گەرمی لە گشت وڵاتەگە کەمیگ بەرزەو بوود.
دیاری کرد ک کەشوهەوای رووژ شەممەی ئایندە رووشنە وەگەرد لەکە ئەوریگ، و پلەی گەرمی لە ناوچەی ناوڕاس کەمیگ بەرزەو بوود، و لە ناوچەیل باکوور و باشوور وڵاتەگە نزیک رووژەیل وەرجە خوەیە.
