واران لە تەمووز.. پسپۆڕیگ کەشناسی مەزەنەی تاوسانیگ هوونک لە عراق کەێد
2023-04-15T10:58:11+00:00
شەفەق نیوز/ عەلی جایر زیادی شارەزای کەشناسی عراقی، ئمڕوو شەممە، مەزەنە کرد ک ئی تاوسانە هوونک بوود و واران لە مانگ تەمووز بوارێد.
زیادی ئەرا ئاژانس شەفەق نیوز وت: مەزەنەیل نشان دەن ک ئی تاوسانە ئاسایی بوود، و فرە لە رووژەیل گەرمیی گونجیاگ بوود، و دیاری کرد ک شەپوولەیل گەرمی لە مەوقەیلیگ تیەێد، وەگەرد ئەگەر واران تاوسانی جیاجیا لە مانگ تەمووز.
لەباوەت وەرز زمسان ئایندە، زیادی مەزەنە کرد ک وەرزیگ وارانی بوود، و وەرجە وەخت خوەی باێد، شایەت لە دویادویای مانگ تەشرین یەکەم ئایندە زمسان باێد، و جاروباریش سەرد بوود.
هەرێم کوردستان و ئەو ناوچە و شارەیل عراق کەفتنە وەر وارانەیل رفتیگ ک لە رووژ سێشەممە دەسوەپی کرد، بویە هەکار لافاوەیل لە بەشیگ لە پارێزگا و ناوچەیل، و لە ئیدارەی پەنجشەممە تەواو بوی.
