کوەيتی هاناوەینیان.. مردن و زەخمداری 12 وە رویداو هاتوچو لە ناوڕاس عراق
2024-01-11T13:36:19+00:00
شەفەق نیوز/ دوو سەرچەوەی ناوخوەیی لە واست و دیوانیە، ئمڕوو پەنجشەممە، خەوەردان لە مردن و زەخمداری 12 کەس لەناویان هاوڵاتی کوەیتی هەس وە رویداوەیل هاتوچو جیاجیا.
سەرچەوەیل وە ئاژانس شەفەق نیوز خەوەردان "رویداو یەکەم لەناوەین ری کوت بەغدا رویدایە لە ئەنجام لەیەکەوداین دوو ماشین لەوەر سڕبردنیان وە مدوو واران وارین لەبان ری گشتی، رویداوەگە بویە مدوو زەخمداری 11 کەس زەخمداری بڕێگیان سەختە".
وتیش " رویداو دویەم لە ری ناوەین قەزای شامیە و دیوانیە رویدایە، لە ئەنجام ماتۆرسکیل سواریگ کوەێتی گیان لەدەسدایە وە ماتۆڕسیلەگەی وەرەو پارێزگای نەجەف چییە"
وتیش، "هاوڵاتی کوەیتیەگە ناوی ناسڕ حسێن عەلی کەمالە ماتۆڕەگەی پلیایە و لەئەنجام بویەسە مدوو دەسوەجی گیان لەدەسدانی"دیاریکرد "تەرمەگەی ئەرا پزیشک دادوەری کلکریایە تا رێکارەیل یاسایی بگیرێد".
