وێنە.. سوپای عراق ئۆپراسیۆنیگ ئەمنی لە بیاوان روتبە جیوەجی کەێد
شەفەق نیوز/ لیوا روکن ناسر غەنام فەرماندەی ئۆپراسیۆنەگان ئەنبار، ئمڕوو چوارشەممە، راگەیان جیوەجیکردن ئۆپراسیۆنیگ ئەمنی لە قویلایی بیاوان قەزای روتبە لە پارێزگای ئەنبار.
غەنام لە بەیاننامەیگ رەسیە ئاژانس شەفەق نیوز وت: ئۆپراسیۆنەگە وەگورەی زانیاریەیلیگ هەواڵگری ووردیگ ئەنجام دریا، و هیمان هێزە ئەمنیەگان دیرن لە بیاوان روتبە ئەرا وەشوونکەفتن ئەندامەیل ریخریایەگە بڵاوە بوون.
لەلای خوەییش وەرپرسیگ خۆجێیی لە قەزای روتبە ئەرا ئاژانس شەفەق نیوز وت: ئۆپراسیۆنەگە وە پاڵپشتی فڕۆکەی سوپای عراق وەڕیەو چگ، و وتیش؛ هیمان لە چەن ناوچەیگ لە بنەمای زانیاریەیلیگ هەواڵگری وەردەوامە.
. وەرپرسەگە لە خود وەختەگە داوا لە وەردەوامی فڕۆکەیل لە ناوچە بیاوانەگان لە پارێزگاگە، ئەرا رێگری لە جوولەی ریخریایەگە لەناو بیاوانەگان،و دووپاتکرد ک داعش مەترسی لەبان شارەگان نەیرێد، بەڵکم مەترسیی هابان کوڵەگردن لە ریە دەیشتیەگان و ناوچە بیاوانەگان و جوولەی گەشتیارەگان لە ناوچە دویرەگان.
