وێنە.. دەسنریەێدە بان حەشارگەیل داعش لە دەورگرد هەرێم کوردستان
2021-12-11T08:49:09+00:00
شەفەق نیوز/ هێزەیل پێشمەرگە و سوپای عراق لە ئیدارەی گەرمیان، ئمڕوو شەممە، ئەرا چوارەم رووژە، وەردەوامە لە ئۆپراسیۆنەیل سەربازی ئەرا وەشۊنکەفتن ئەندامەیل داعش.
سەرچەوەیگ ئەمنی ئەرا ئاژانس شەفەق نیوز وت: ئۆپراسیۆنەیل سەربازی پێشمەرگە و ئاسایش، رەسیە دەسناین وەبان عمارەی فرەیگ لە حەشارگەیل ریخریاگ داعش، و چەک و تەقەمەنی لەناویان بۊی، ئەوەیش لە ناوچەیل قوریچای، و پەڵکانە، و غرادا، لەناو سنوور ئیدارەی گەرمیان.
وتیش: هێزەیل پێشمەرگە و ئەو هێزەیلەی تر، ئەرا چوارەم ڕووژە پشتاوپشت، وەردەوامە لە ئۆپەراسیۆن وەشۊنکەفتن چەتەیل داعش لەناو سنوور ئیدارەی گەرمیان.
هەمیش وت: ئۆپراسیۆنە هاوبەشەیلەی ناوبەین سوپای عراق و پێشمەرگە هیمان وەردەوامە و سەرکەفت فرەیگ لەبان چەتەیل داعش وەدەس هاوردنە.
