وینە.. ئاهەنگ رووژ جەهانی ژینگە وە دویکەڵ سیای کارخانەیل خشت لە بەغداد
شەفەق نیوز/ بەغداد پایتەخت نەگ تەنیا لە قەرەباڵغ جادەیل زیان وەخوەی دۊنێد ک دویکەڵ ژەهرین ماشینەیل پڕ ژینگە کەن، باوجی لویلەیل بەرزیگ هەس تەکان دویکەڵ سیا دەن، لە کارخانەیل خشت.
کامیرای ئاژانس شەفەق نیوز گەردیە دەورگرد شار نەهرەوان لە خوەرهەڵات بەغداد پایتەخت، ک لەورا کارخانەیل خشت، وە دویکەڵ سیا، ئاهەنگ رووژ جەهانی کەن.
ئی ناوچەیلە بەرزترین ئاست لە پیسی ژینگە توومار کەن، چۊنکە ئەو دوکەڵ سیا ک لە کارخانەیل خشت تەکان دەن، و ئەو تەپ تووزە لە کارکردنیان وەخەسی هەڵسێد.
هەرچەن وەزارەت نەفت، نەفت سیا کەم دەێدە پیان، باوجی ئەو کارخانەیلە پڕە لە مناڵ ودویەت ناخاڵە، ک مووڵەت کارکردن ئەرایان نییە.
جاسم فەلاحی وەزیر ژینگە، لە هەفتەی گوزەشتە وت: پیسبوین ژینگە لە بەغداد رەسیە ئاستەیلیگ ک نەبایەت لەبانی بیدەنگ بویمن.
فەلاحی وتیش: بەغداد زیان لە داوەزین گەورەیگ لە بینا ژیرینەیلی وەخوەی دۊنێد، ک شار ئیداری نوویگ خوازێد، وتیش: پیسبوین ژینگە لە بەغداد رەسیە ئاستەیلیگ ک نەبایەت لەبانی بیدەنگ بویمن.
