وەگەرد وەرز درەو.. سزیان سێ خەلەی گەنم لە کەرکوک

سەرچەوەگە ئەرا ئاژانس شەفەق نیوز وت: ئاگر لەناو خەلەی گەنم لە ئاوای عتیرە سەروە ناحیەی زاب هیز گرد، کە هەفت دۆنم گەنم سزان کە خاوەنی ئامادەی خوەی کردوێد تا درەوی بکەێد.

وتیش: هەر لەو ئاوایە، لە زەویبگ ترەک، نزیکەی پەنج دۆنم لەوەر بەڵاچەیگ کارەبا وەتەواوی سزیا، تا تیمەیل وەرگری شارستانی هاتن و ئاگرەگە کپەو کردن و نەیشتن بڕەسێدە خەلەیل شانی.

سەرچەوەگە دیاری کرد کە سێیەم ئاگر لەناو زەویبگ نزیکەی دە دۆنم خەلەی گەنم لە ئاوای عایزک لە ناحیەی زاب هیز گرد، تا تیمەیل وەرگری شارستانی رەسینە کپەوکردنی.