"وەرخودان عراقی" پەلاماردان ئامانجیگ ئیسرائیلی لە جۆلان ئەرا دویەم جار راگەینێد

شەفەق نیوز/ "وەرخودان ئیسلامی لە عراق" ئمڕوو شەممە، پەلاماردان ئامانجیگ ئیسرائیلی (گرنگ) لە جۆلان وە فڕۆکەی بێفڕۆکەوان راگەیان.

وەرخودان لە بەیاننامەیگ وت: ئی پەلامارە ئەرا دۆیەن جارە تیەێد لە وەردەوامیی لە وەرخودان داگیرکەر و پاڵپشتیکردن خەلکمان لە فەلەستین و لوبنان، و وەڵامدان لەبان ئەو کوشتارەیلە وەلایەن قەوارەی داگیرکەر وەبان مەدەنییەیل لە ژن و مناڵ و پیرەیل.

بەیاننامەگە دووپات لەبان وەردەوامی ئۆپراسیۆنیەیل کرد لە پەلاماردان شوین دوژمنەیل وەشیوەی بەرزتر.

رووژ سێشەممە، وەرخودان ئیسلامی لە عراق، پەلاماردان ٥ سەربازگەی ئیسرائیلی لە ناوڕاس و باکوور ئیسرائیل راگەیان ئەوەیش وە ٥ ئۆپراسیۆن جیاجیا وە مووشەک ئەرقەب و فڕۆکەی بێفڕۆکەوان.