وە رێککەفتن وەگەرد بەغداد.. کوردستان "رەشو" وەفەرمی ئەرا پۆست قایمقام شەنگال کاندید کەێد

شەفەق نیوز/ حکومەت هەرێم کوردستان، ئمڕوو پەنجشەممە، وەڕێۆبەر وەرین ناحیەی سنونی دانا ئەرا  پۆست قایمقام    قەزای شەنگال  ک وەی دویاییە رێککەفتنیگ   ئەرا گونجانن رەوشەگانی  لەناوبەین بەغداد و هەولێر وەخوەی دی ک بڕیار وەڕێۆبردن قەزاگە وەشیوەی هاوبەشی  لەەلایەیل ئیداری و ئەمنی و خزمەتگوزاری بکریەێد.

قادر قاچاخ وەرپرس لق پارت دیموکرات کوردستان لە شەنگال ئەرا ئاژانس شەفەق نیوز وت: کۆبونەوەیگ دوێەکە لە شار هەولێر کریا، ولەناوی وەهەماهەنگی وەگەرد حکومەت فیدڕاڵی کاندید رەشو کریا.

وتیش؛ بایەدە بەغداد پەکەکە وحەشد لەناو شار شەنگال دەرکەێد، تا ری ئەرا پرەوکرن بوشاییە ئەمنی و ئیدارەییەگە بکریەێدەو، وەگورەی رێککەفتن گونجانن دویایین.