وەریژەی 95%.. بەرزەوبوین فرووشەیل بانک ناوەندی عراق لە هەواڵەی دەرەکی
شەفەق نیوز/ فرووش هەواڵە دەرەکییەیل لە زیایکردن ئاشکرای بانک ناوەندی، ئمڕوو یەکشەممە، وەڕیژەی ٩٥% وەچەو فرووش کاش زیای کردگە، و رەسیەسە زیاتر لە ٢٤٠ ملیۆن دۆلار.
پەیامنێر ئاژانس شەفەق نیوز وت: ئمڕوو بانک ناوەندی عراق لە زیایکردن ئاشکرا بڕ ٢٥٣ ملیۆن و ٣٨٢ هەزار و ٩٧٠ دۆلار فرووشت، کە وە نرخ بنەڕەتی ئاڵوگۆڕی ١ هەزار و ٣١٠ دینار ئەرا هەر دۆلاریگ ئەرا کرێدیت دۆکیۆمێنتاری و یەکلاییکردن ناودەوڵەتی ئەرا کارت ئەلیکترۆنی، و وە نرخ 1310 دینار ئەرا هەر دۆلاریگ ئەرا هەواڵەی دەرەکی، و وە نرخ 1,305 دینار ئەرا هەر دۆلاریگ وەشیوەی کاش.
وتیش: فرەی فرووش دۆلار ئەرا قایمکردن باڵانسەیل دەیشت وڵات وەشیوەی هەواڵە و کرێدت چگە، کە بڕی 240 ملیۆن و 982 هەزار و 970 دۆلار بویە، کە وەڕیژەی 95% زیادیکردگە وەچەو فرووش نەختینەیی کە بڕی 12 ملیۆن و 400 هەزار دۆلار بویە.
پەیامنێرمان وتیش: شمارەی ئەو بانکەیلە کە دۆلار کاش سەننە رەسیە یەک بانک بوی، و شمارەی ئەو بانکەیلە کە وەڵام داواکارییەیل بەرزکردن باڵانسەیل دانەسەو لە دەیشت وڵات رەسیەسە ١٣ بانک، و بڕ گشتی کۆمپانیایل ئاڵوگۆڕی و دەڵاڵی کە بەشداری لە زیادکردنەگە کردنە ١٥ کۆمپانیا بویە.
