وە بوونەی دەسوەپیکردن ساڵ نوو خوەنین لە عراق نزیکەی 12 ملیۆن خوەنەوار روی کەنە مەکتەوەیلیان
2024-09-22T06:32:48+00:00
شەفەق نیوز/ نزیکەی 12 ملیۆن خوەنەوار لە هەردووگ رەگەز، شەوەکی ئمڕوو یەکشەممە، روی کردنە مەکتەوەیلیان وەبوونەی دەسوەپیکردن ساڵ نوو خوەنین 2024 -2025 لە گشت پارێزگایەیل عاق بیجگە لە هەرێم کوردستان.
وەزیر پەروەردەی فیدڕاڵی،ئیبراهیم جبوری، وەپای بەیاننامەیگ رەسیە ئاژانس شەفەق نیوز داواکەێد، وە یەک رز کاربکەن وە زانست و زانیاری پڕ چەک بوون، و ئێ ساڵە بکەنە وێستگەی فرەچەشنی خوەنستن و هووکارەبوین و باوەشکردن وە دەرفەت بونیاتنان ئایندەی پرشنگداریگ ئەرا خوەنەوارەیل.
وتیش: " خوەنەوارەیل خۆشەویست ئیمە دەسکردیمنە وەرزیگ نوو لە رێباز خوەنستن، کە فرە چشت هەڵگردیە، کە تەنیا بریتی نییە لە زانیاری وەرگردن بەڵکم گەشتیگە وە ئامانج ئەوزەڵداین وە توانایەیل تا لە ئایندەیگ نزیک سەرکردایەتی کۆمەڵگە بکەن".
