وەبان دار قەڵەمتوز.. گەنجیگ وە مدوو وردەورد وەگەرد ژنەگەی خوەی هەڵواسێد لە دیالە
2024-02-26T07:35:08+00:00
شەفەق نیوز/ سەرچەوەیگ ئەمنی، ئمڕوو دووشەممە، خەوەردا گەنجیگ خوەیکوشتیە لەڕی هەڵواسین خوەی وەبان وردەوردە وەگەرد ژنەگەی لە باشوور خوەرئاوای بەعقوبە ناوەن پارێزگای دیالە.
سەرچەوەگە وە ئاژانس شەفەق نیوز وت "گەنجەگە لەداڵگبوی ساڵ 2001ە کاسبە دانشتگ ناوچەی جەدیدەت شەت لە باشوور خوەرئاوای بەعقوبەیە وە دیارکریایی عەرەب برغش، لەری هەڵواسین پەتیگ وەبان داریگ قەڵەمتوز لەناو زەویگ کشاوەرزی دویر لە ماڵەگەی نزیکەی وە یەک کیلومەتر خوەی هەڵواسیە.
وتیش، "قسەی کەسوکارەگەی وەرگیریایە و وەپای قسەیلیان لەوەر گیچەڵ وەگەرد ژنەگەی تویش بیماری دەروینی هاتیە"، دیاریکرد "تەرم گەنجەگە ئەرا پزیشک دادوەری لە بەعقوبە کلکریایە و گشت رێکاریگ یاسایی گیریاسە وەر".
