وەڕیژەی 94%.. بەرزەوبوین فرووشەیل هەواڵەی دەرەکی بانک ناوەندی عراق
شەفەق نیوز/ فرووش هەواڵەی دەرەکی لە زیایکردن ئاشکرای بانک ناوەندی، ئمڕوو سێشەممە، وەچەو فرووش کاش وە ریژەی ٩٤% زیای کرد، و رەسیە زیاتر لە ٢٤٩ ملیۆن دۆلار.
پەیامنێر ئاژانس شەفەق نیوز وت: ئمڕوو بانک ناوەندی لە زیادکردنەگەی بڕ ٢٦٥ ملیۆن و ٥٤٩ هەزار و ٧٤١ دۆلار فرووشت، کە وە نرخ بنەڕەتی ١٣١٠ دینار ئەرا هەر دۆلاریگ ئەرا کرێدیت دۆکیۆمێنتاری و یەکلاییکردن ناودەوڵەتی ئەرا کارت ئەلیکترۆنی فرووشت، وە نرخ ١٣١٠ دینار ئەرا هەر دۆلاریگ ئەرا هەواڵەی دەرەکی، و وە نرخ 1305 دینار ئەرا هەر دۆلاریگ وە شیوەی کاش.
وتیش: فرەی فرووش دۆلار ئەرا قایمکردن باڵانسەیل دەیشت وڵات وەشیوەی هەواڵە و کرێدت چگە، کە بڕی 249 ملیۆن و 249 هەزار و 741 دۆلار بویە، کە وەڕێژەی 94% زیادیکردگە وەچەو فرووش نەختینەیی کە بڕی 16 ملیۆن و 300 هەزار دۆلار بویە.
پەیامنێرمان وتیش: شمارەی ئەو بانکەیلە کە دۆلار کاش سەننە یەک بانک بویە، و شمارەی ئەو بانکەیلە کە وەڵام داواکارییەیل بەرزکردن باڵانسەیل دانەسەو لە دەیشت وڵات رەسیەسە ١٤ بانک، و بڕ گشتی کۆمپانیایل ئاڵوگۆڕ و دەڵاڵی کە بەشداری لە زیادکردنەگە کردنە، ١٠ کۆمپانیا بویە.
