هوشدارییگ ئەرا عراق لەماوەی 48 ساعەت ئایندە... گڕمەهڕ و نقوومبوین
2023-03-14T08:34:15+00:00
شەفەق نیوز/ پسپۆر کەشناسی عەلی جابر زیادی، ئمڕوو سێشەممە، ئاشکەرایکرد، رێژەی واران رفتەگە لە ناوچەیل وڵاتەگە جیاوازە و لە شەوەکی سوو دەسوەپی کەێد تا ئیوارەی پەنجشەممە، و هووشداری دەێد لە نوقمبوین بڕیگ ناوچە و ری وە هووکار رێژەی ئەو وارانە ک مەزەنەکریەد.
زیادی وە ئاژانس شەفەق نیوز وت" وڵاتەگە ها لە وەخت واران وارینیگ وە تونی ناوڕاس لە وەخت شەوەکی و شەو سوو چوارشەممە".
وتیش، مەزەنەکریەد وارانەگە تونیەگەی لەمابەین ناوڕاس و رفت بوود لە بڕیگ باوچەیل باکوور، لە شارەیل ناوراس و باشوور تونیەگەی مامناوەندە، و لە بڕیگ ناوچەی باشوور و بەشەیل خوەرهەڵات وڵاتەگە رفتە.
زیادی راگەیانیش، ئی حاڵەتە وەردەوامە لە بەشەیل باکوور تا شەو پەنجشەممە، هووشداری لە نقوومبوین ناوچە نزمەیل و ریگەیل لە چەن ناوچەیگ جیاواز و دویر بوون لە هاتوچوی لە وەخت رویدان گرمەهڕ.
