هاوردن فەرماندەی وەرین پولیس فیدڕاڵی ئەرا پرسیارکردن لەبان دزیکردن ٧ ملیار دینار
2023-02-20T12:07:25+00:00
شەفەق نیوز/ دەزگای دەسپاکی فیدڕاڵی، ئمڕوو دووشەممە، دەرچگن فەرمان هاوردن فەرماندەی وەرین هیزەیل پولیس فیدڕاڵی راگەیان، وە توومەت زەردەدارکردن رکدار وە پویل و بەرژەوەنی ئەو لایەنە ک لەناوی کار کەێد.
فەرمانگەی لێکۆڵینەوە لە دەزگاگە، لە بەیاننامەیگ رەسیە ئاژانس شەفەق نیوز وت: دادوەر لێکۆڵینەوەی رەسافە، بڕیار هاورن توومەتبار فەرماندەی وەرین پولیس فیدڕاڵی وەگەرد پەنج توومەتبار دەرکرد، وە توومەت دزیکردن پویلیگ رەسێدە ٧ ملیار دینار، و دیاری کرد ک ئەو پویلە هن کەرەستە و قەڵغانکردن ماشینەیل سەربازی بویە، وەلایەن یەکیگ لە کۆمپانیایل بازرگانی گشتی لە ماوەی ساڵەیل ٢٠١٤ و ٢٠١٦.
وتیش: ئەو فەرمانە وەلایەن دادگای لێکۆڵینەوەی رەسافە لە بنەمای مادەی ٣٤٠ لە یاسای سزادان هاتیە.
لەلای خوەییش؛ سەرچەوەیگ وەرپرس ئەرا ئاژانس شەفەق نیوز شاکرای ناو ئەو توومەتبارە کرد ک خوەی فەریق روکن شاکر جەودەت، فەرماندەی وەرین هیزەیل پولیس فیدڕاڵیە.
