هاوپەیمان ناودەوڵەتی راگەینێد جیوەجیکردن ٣٥ هەزار گورز ئاسمانی دژوە داعش و دەسخوەشی لە پێشمەرگە کەێد
شەفەق نیوز/ هاوپەیمان ناودەەوڵەتی وەسەرپەرشتی ئەمریکا، ئمڕوو یەکشەممە، راگەیان جیوەجیکردن ٣٥ هەزار گورز ئاسمانی دژوە ریخریاگ داعش لە عراق وسوریا، ولە خود وەختەگە دەسخوەشی لە هێزەیل پێشمەرگە و حکومەت هەرێم کوردستان کرد لە ئاسانکاریەیل ئۆپراسیۆنە سەربازیەگان دژوە ریخریاگە توندڕەوەگە.
عەقید مایلز کاگینز قسەکەر وەناو هاوپەیمان ناودەوڵەتی لە گۆنگرەیگ رۆژنامەوانی لە هەولێر وت: لە ماوەی ٦ ساڵەو لە ساڵ ٢٠٤ هاوپەیمان ناودەوڵەتی دژوە داعش دامەزریا، و هەرێم کوردستان خاوەن ئەرک گورجیگ بوی لە جەنگ دژوە ریخریایەگە.
وتیش؛ سەرۆک وەزیران هەرێم کوردستان ئاسانکاریەیل گەورایگ پێشکەش کردە هاوپەیمان ناودەوڵەتی لە ئۆپراسیۆنە سەربازیەگان دژوە داعش، وئاماژەکرد ک هاوپەیمان ناودەوڵەتی ٣٥ ئۆپراسیۆن ئاسمانی دژوە ریخریایەگە ئەنجام دا.
هەمیش وت: لەبان زەوی هاوپەیمان ناودەوڵەتی دەسمیەت هێزە عراقیەگان و پێشمەرگە دا وە راهێنان و راوێژکردن و هاوکاریە سەربازیەگان.
قسەکەرەگە دووپاتکرد ک جەنگەگە دژوە داعش فرە سەخت بوی، و ژمارەی گەورایگ لە هێزەیل پێشمەرگە و ئەو هێزەگان گیان خوەیان پێشکەشکردن، و زەخمداربوین ئەرا مقەیەتی مەدەنیەگان، و ئیمە ئەوانەگ گیانیان کردنە قوربانی قەت لەهویرەو نێوەیمن.
