هێزەیل ئەمنی "ماوەی دوو رووژە" تەقەلای دەسگیرکردن چەکدارەیل دەن و ئەفسەریگ وە توومەت کوشتن دەسگیرکریا لە باشوور عراق

شەفەق نیوز/ هێزە ئەمنیەیل لە بەسرە، ئمڕوو دووشەممە، وەردەوام بوین لە ئۆپراسیۆن دەسگیرکردن خەسیگ ئەرا کۆمەڵە چەکداریگ کە تەقەلای هەڵکوتانە بان پرۆژە ئاویگ لە ناحیەی ئەبو سەخیر لە پارێزگاگە دابوین، لەهەمان وەخت هێزەیل ئەمنی ترەک ئەفسەریگ وە توومەت تاوان کوشتن لە پارێزگای زیقار دەسگیرکردن.

ەرچەوەگە وە ئاژانس شەفەق نیوز وت، "کۆمەڵە چەکداریگ کە سوار ماشینیگ فۆر وێڵ و پەنجەرە سیا ببوین تەقەلای چگنە ناو پرۆژەیگ دابوین لەنیمەڕووی رووژ شەممەی وەرین بروار 19ی نیسان 2025، باوجی تەلەفۆنیگ دەسوەجی رەسێدە فەرماندەیی پۆلیس باکور بەسرە هیلێد دەسوەجی روی بکەێدە ئەو شوینە، لە ئەنجام چەکدارەیل وەرەو ئاراستەی چەمەیل بوان". 

دیاریکرد "هێزە ئەمنیەیل تا ئیسە ەردەوام لە کەفتن وە شوینیان وە ئامانج دەسگیرکردنیان و رادەس دادگایان بکەن، هەمیش ئێ جویرە رەفتارەیل  هەڕەشەی راستەوخوەی کەێد وەبان وەردەوامبوین پرۆژەیل خزمەتگوزاری لە باکوور بەسرە".

 لە زیقار سەرچەوەی ئەمنی ترەک وە ئاژانس شەفەق نیوز وت، "هێزە ئەمنیەیل سەر وە بەرەنگاربوین تاوانەیل توەنستنە ئەفسەریگ وە پلەی ملازم کە لە فەرماندەیی پۆلیس پارێزگاگە/ بنکەی پۆلیس دەوایە دەسگیربکەن وە توومەت ئەنجام تاوانیگ کوشتن لەنیمەی ئێ مانگە".

ئاشکرایکرد، "تا ئیسە هووکار ئەنجامدان تاوانەگەنەزانریاس، ئەفسەرەگە ئەرا زیندان بنکەی بەندکردن تایوەت کلکریاس ئەرا تەواوکردن رێکارەیل لێکۆڵینەوە وەگەردی".

لەنیمەی ئێ مانگە، هێزە ئەمنیەیل تەرم هاوڵاتیگ وە کوشیاگی لە نزیک چەم عەبادە لە شار ناسریە ناوەن پارێزگاگە پەیاکردن.