نووسینگەی سیستانی باسەیل چەوپێکەفتنەگەی وەگەرد پاپا ئاشکرا کەێد
شەفەق نیوز/ عەلی سیستانی مەرجع ئاینی، شەوەکی ئمڕوو شەممە، چەوی کەفتە پاپای کلیسەی کاسۆلیکی و سەرۆک دەوڵەت ڤاتیکان.
بەیاننامەیگ لە نووسینگەی سیستانی وت: باسەیل چەوپێکەفتنەگە دەربارەی ئەو سەختیەیلە بوی ک لەی سەردەمە کەفنە نوای مرۆیی، و دەور باوەڕی وەخودا و پیامەیلی و پابەندی وە ئەرزشە رەوشتیە باڵاکان ئەرا سەرکەفتن لەبانیان.
سیستانی باس لە زیان فرەیگ لە مەردم لە جووراجور وڵاتەیل کرد لە ستەم و لاتی و ستەم ئاینی و هویری و کپەوکردن ئازادیە سەرەکیەکان و بیدادی کۆمەڵایەتی، وەتایبەت ئەوەگ فرە لە گەلەیل ناوچەکەمان لە جەنگ و توندوتیژی و سزای ئابووری و بارکردن وەخوەیان دوینن، و تایبەت گەل فەلەستین لە زەویە داگیرکریایەکان.
و ئاماژە کرد ئەرا ئەو دەورە ک بایەدە گەورای ئاینیەکان بوونەی لە نواگردن ئی نەهامەتیەیلە، ک چەوەڕیکریاگە لەلیان ئەرا هاندان لایەنە پەیوەندیدارەکان وەتایبەت دەوڵەتە گەپەکان لەبان پەسەنکردن عەقڵ و دانایی و نەفرەتکردن لە زوان جەنگ، و فراوان نەکردن چەودیری برژەزونیە کەسایەتیەکان لەبان مافەیل گەلەکان لە ژیان سەروەری و ئازاد، و هەمیش دووپات کرد لە گرنگی یەکگردن رەنجەکان ئەرا چەسپانن ئەرزشەیل پێکەوەژیان و هاوکاری مرۆیی لە گشت کۆمەڵگاکان، و چەودیری مافەیل گشت لایەنەکان لە لایەنگرەیل گشت ئایەن و بۆچوونە هویریەکان.
بەیاننامەگە ئاماژە کرد ک سیاستانی گرنگی خوەی دووپات کرد ک هاووڵاتییە مەسیحیەکان جوور ئەو عراقیەکان لە ئارامی و ئاشتی وەگشت مافەیل دەستوورییان ژیان بکەن، و ئاماژە کرد ئەرا بەشیگ لەو دەورە ک مەرجعیەت ئاینی لە مقەیەتیکردنیان رانی، و هەمیش گشت ئەوانەگ لە رووداوەیل ساڵەیل گوزەیشتە، وەتایبەت لەو ماوە ک تیرۆرستەیل شوونەیل فراوانیگ لە عراق داگیر کردن ستەم زیان وەپیان رەسی.
سیستانی ئومید خەیر و خوەشی ئەرا پاپای ڤاتیکان و کلیسەی کاسۆلیکی و گشت مرۆیی خوازێد، و سوپاس پاپا ئەرا مەینەتیە کرد ک لە گەشتەگەی تا نەجەف وەی سەردانە کیشادە.
