نه‌ته‌وه‌يل يه‌كگرتگ پيشنيار ئه‌را چاره‌سه‌ر شه‌نگاڵ ديرێد
شه‌فه‌ق نيوز/ جينين بلاسخارت نوێنه‌ر تايبه‌ت ئه‌ميندار گشتى نه‌ته‌وه‌يل يه‌كگرتگ له عراق، داواى دامه‌زرانن ئداره‌يگ يه‌كگرتگ و كه‌شيگ ئه‌منى سه‌قامگير كرد ئه‌را ئێزيديه‌يل له قه‌زاى شه‌نگاڵ له خوه‌رئاواى موسڵ.
له‌و باوه‌ته‌و، نويسينگه‌ى نه‌ته‌وه‌يل يه‌كگرتگ له عراق له به‌ياننامه‌يگ رووژنامه‌گه‌رێ له وه‌خت سه‌ردان بلاسخارت ئه‌را قه‌اى شه‌نگاڵ له په‌نجه‌مين ساڵياد له‌ناوبردن وه‌جه‌م ك له‌لايه‌ن ريكخرياگ تيرۆريستى داعشه‌و ئه‌نجام دريا ده‌رهه‌ق ئێزيديه‌يل له عراق باس له ئداريگ يه‌كگرتگ و كه‌شيگ ئه‌منى سه‌قامگير كرد ئه‌را ئێزيديه‌يل و ئاماژه‌يش وه ئازايه‌تى قورتاربويه‌يل كرد و داواى له‌وه‌رگرتن رێ وشوون وه‌په‌له‌يگ كرد ئه‌را زه‌مانه‌ت سه‌قامگيرى ئداره‌ى قه‌زاگه‌و ئاماده‌كارى ئه‌منى له‌تى.
جى باسه، بلاسخارت داوايش كرد ده‌سميه‌ته‌يل ئنسانى ئه‌را خيزانه‌يل ئاواره دابين بكريه‌ێد وه‌بى گرفت له‌وه‌ر ئه‌وه‌گ بتويه‌نن وه ئه‌مان گله‌و بخوه‌ن ئه‌را شوون و ماواى خوه‌يان.
