نزیکەی 250 کووچبەر لوبنانی رەسیە پارێزگای دیالە (ڤیدیۆ)
2024-10-20T07:54:35+00:00
شەفەق نیوز/ لە پارێزگای دیالە، ئمڕوو یەکشەممە، شمارەی فرەیگ لە کووچبەرەیل لوبنانی رەسینە پارێزگاگە.
سەرۆک دەسەی خزمەتگوزاریەیل عەلی ئەحمەد وە ئاژانس شەفەق نیوز وت، " پارێزگای دیالە شەواکی ئمڕوو پیشوازیکرد لە 5 ماشین گەپ کە نزیکەی 250 کوچبەر لوبنانی هەڵگردوی" وتیش " ئەرا شوینیگ تایوەت وە نیشتەجیبوین بریەن گشت پێداویستی و خزمەتگوزاریگ ئەرایان دابینکرێد".
وتیش "پارێزگاگە لەماوەی چەن رووژ گوزەشتە پیشوازی لە زیاتر 79 خێزان لوبنانی کردیە کە لە پەلامارەیل ئیسرائیل وبان ناوچەیل باشوور لوبنان واینە".
