پەنجشەممەی ئایندە...شەپوول سەرما کەشوهەوای زمسانی ئەرا عراق گلەودەێد
2023-03-27T10:37:34+00:00
شەفەق نیوز/ کەشناس عراقی عەلی جابر زیادی مەزەنەی هاتن شەپوولیگ نوو سەرما کەێد ئەرا شارەیل عراق ک لە رووژ پەنجشەممەی ئایندە دەسوەپی کەێد.
زیادی وە ئاژانس شەفەق نیوز وت، " مەزەنە کەێد کاریگەری لەبان بەشەیل باکوور بیاشتوود وە واران وارین مامناوەندیگ"، وتیش" واران لە دیالە و بەشە جیاوازەیل بەغدای پایتەخت و واست وارێد".
دیاریکرد، لە رووژ پەنجشەممەی ئایندە شەپوولیگ سەردی روی لە باکوور و خوەرئاوای وڵات کەێد و لە رووژ جومعە فرەترەو بوود و ئەرا ماوەی سێ رووژ وەردەوام بوود.
وتیش، ئی شەپۆلە کەشوهەوای هوونکیگ تیارێد روی لە داوەزین ئاشکەرایگ کەێد لە پلەی گەرما لە شەواران کەشوهەواگە بوودە زمسانی.
