پەنج شار عراقی بەرزترین پلەی گەرمی لە جەهان توومارکەن

وەپای ئەو خشتە کە وێستگەگە دەریکردیە، شار تاباس لە ئیران ها لویتکەی لیست پلەی گەرمی جەهانی وە توومارکردن  49.9 پلەی سەدی، لە دویای ئەوە شار ئورومیە تێد لە ئیران وە  49.2 پلەی سەدی، شار سافی ئاباد لە ئیران وە  48.5 پلەی سەدی، لەدویای یەیش فرۆکەخانەی ناودەوڵەتی کوەیت وە پلەی چوارەم تێد وە 48.4 پلەی سەدی.

شار ناسڕیە لە عراق پلەی پەنجەم وە دەسهاوردیە پلەی گەرمیەگەی رەسیەس ئەرا  48.3 پلەی سەدی، و لەدویای یە شار فاو لەعراق پلەی شەشەم وەدەسهاوردیە وە پلەی گەرمی   48.1 پلەی سەدی، لەدویای یەیش کویچەی حسێن لە بەسڕە هەفتەمە وە پلەی گەرمی  48 پلە سەدی.

شار نوکوندی لە پاکستان پلەی هەشتەم وە دەسهاوردیە وە پلەی گەرمی 48 پلەی سەدی.

شار زابول لەئیران پلەی نۆیەم هاوردیە وە پلەی گەرمی 

 47.9 پلەی سەدی، لەدویای یەیش ئەهواز وە پلەی دەیەم تێد وە پلەی گەرمی   47.7 پلەی سەدی.

شار عەممارە لەعراق پلەی یانزەهەم وەدەسهاوردیە وە پلەی گەرمی 47.7 پلەی سەدی، لەدویای یەش فرۆکەخانەی ناودەوڵەتی بەسڕە لەپلەی دوانزەیەم تێد وەهەمان پلە و ناوچەی سەماوە لە عڕاق پلەی سیانزەیەم توومارکەێد وە پلەی گەرمی  رة 47.5 پلەی سەدی.

 شار مەدینە تێد لە سعودیە وە پلەی چواردەیەم وە پلەی گەرمی  47.4 پلەی سەدی لەدویای یەیش ناوچەی ئابادان لە ئیران وە پلەی کۆتایی تێد  وەپلەی گەرمی  47.3 پلەی سەدی.