"پەنجەرەیل بوەسن".. لە ساعەتەیل ئایندە خوەڵوتووز رەسێدە شارەیلیگ عراق
شەفەق نيوز/ دەسەی کەشناسی عراق، ئیوارەی ئمڕوو چوارشەممە، شەپوولیگ خوەڵوتووز توومار کرد کە روی وەرەو ئاسمان نەینەوا و ئەنبار کەێد، و مەزەنە کەێد بڕەسێدە پەڕ خوەرئاوا و باکوور بەغداد پایتەخت، هەمیش ئەمشەو رەسێدە باشوور خوەرئاوای وڵات، و سوو پەنجشەممە رەسێدە ئەو شارەیل ترەک.
دەسەگە لە بەیاننامەیگ رەسیە ئاژانس شەفەق نیوز وت: شەپوولیگ خوەڵوتووز لە خوەرهەڵات سوریا دروس بویە و روی وەرەو ئاسمان نەینەوا و ئەنبار کەێد، و روی وەرەو خوەرهەڵات کەێد.
مەزەنە کرد ئی خوەڵوتووزە بڕەسێدە پەڕ خوەرئاوا و باکوور بەغداد پایتەخت، و هەر ئمشەو بڕەسێدە باشوور خوەرئاوای وڵات، و گشت ناوچەیل نەینەوا.
دەسەگە وتیش: ئی خوەڵوتووزە سوو پەنجشەممە رەسێدە ئەو شارەیل عراق و پلەی گەرمی وەگەردی داوەزێد.
وەرجەیە، شارەزای کەشناسی عەلی جابر زیادی وت: عراق کەفێدە کاریگەری بانوخوارکردن زویوەزوی لە کوشەوهەوا، و رووژ چوارشەممە، پاڵەپەستۆ گەرمیگ وەگەرد ئەور رەسێد جاروبار تریشقە وەگەردی تیەێد لە بەشەیل باکوور، وەگەرد وەردەوامی دەرفەت واران تا رووژ پەنجشەممە، و هاتێ دەرفەت واران لە ناوچەیلیگ جیاجیا لە بەشەیل ناوڕاس بوود.
