ئەنبار.. وسانن ناڕەزایەتییگ دژوە «عەلاوی» و مووچە بڕین
شەفەق نیوز/ سەندیکای ئەکادیمیە عراقیەگان لق پارێزگای ئەنبار، ئمڕوو چوارشەممە، ووساننیگ ناڕەزایەتی لەوەردەم زانکۆی قەزای فەلوجە کرد، ئەرا رەتکردن بڕیار بڕین بەشیگ لە مووچەی مامووستایل زانکۆەگان.
سعود مەشهەدانی، وەرپرس سەندیکای ئەکادیمیەگان ئەرا ئاژانس شەفەق نیوز وت: ئی ناڕەزایەتیە لە رەتکردن لە دەسکاری مووچەیل ماموستای زانکۆ تیەێد، وتیش؛ پڕۆژەی بوودجەی ساڵ ٢٠٢١ بڕین لە مووچەی ماموستای زانکۆ ها ناوی ک رەسێدە ٣٠٪.
وتیش؛ ناڕەزایەتیەگە هەمیش لە رەتکردن سووکایەتیکردن عەلی عەلاوی وەزیر دارایی وە ماموستا زانکۆیبەگان تیەێد، ک لە چەوپێکەفتنیگ تەلەفزیۆنی بوی هەنای وت: ماموستای زانکۆیی چە پێشکەش کردگە، وفرەی ماموستا زانکۆییەگان بڕوانامەیل باڵا تەنیا ئەرا زیایکردن مووچەیلیان وەرگرن.
مەشهەدانی داوا لە وەزیر دارایی کرد داوای وەخشین فەرمییگ بکەێد، و سووکایەتی نەکەێد وە ئەوەگ ئەرا بەرزەوکردن ئاست خوەنەواری عراقی پێشکەش کردن.
