نەینەوا دوو تویشهاتن وە تەو خوینوەربوین توومارکەێد یەکیگیان ژنیگە لە خەسخانە گیان لەدەسدا
2024-08-01T14:10:21+00:00
شەفەق نیوز/ تەندروسی نەینەوا، ئمڕوو پەنجشەممە، توومارکردن دوو تویشهاتن وە تەو خوینوەربوین راگەیان یەکیگیان ژنیگە لە خەستەخانەی موسڵ گیان لەدەسدایە.
سەرچەوەگ لە تەندروسی نەینەوا وە ئاژانس شەفەق نیوز وت "ژنیگ تەمەن 50 ساڵان گیان لەدەسداس لەدویای تویشهاتنی وە تەوخوین وەربوین لە خەسخانەی شیفا لە موسڵ، لەهەمان وەخت خەسخانەگە تویشهاتن گەنجیگ تەمەن 20 ساڵان خەڵک کویچەی ئابار لای راس موسڵ توومارکرد کە کار قەساوی کەێد.
سەرچەوەگە ائشکەرایکرد "ئەو ژنەی گیان لەدەسدایە خەڵک ئاوای عەریجە لەناحیەی حەمام عەلیل" وتیش "لە 20 تەمووزەو نیشانەیلە لەلی دەرکەفتیە، باوجی دیر سەردان خەسخانەکردیە ئەرا دەسنیشانکردن بیماریەگە تا بارودۆخی تێکچێد و وە مەترسی بەرزیگ رەسننێ ئەرا خەسخانە".
سەرچەوەیگ لە فەرمانگەی تەندروسی نەینەوا، رووژ یەکشەممەی وەرین، راگەیان تەندروسی حالەتیگ گومان لێکریاگ وە تەوخوین وەربوین گەنجیگ توومارکردیە کە شمارەی تویشهاتن لە پارێزگاگە لە سەرەتای ئمساڵ تا ئیسە رەسیەس ئەرا 12 حالەت.
