ژنیش هاناویان.. دەسگیرکردن باندیگ ١٣ کێلو تەڵا لەناو دوکانیگ لە بەغداد دزینە
2023-07-12T09:48:35+00:00
شەفەق نیوز/ وەڕیەوبەرایەتی دژە تاوان بەغداد، ئمڕوو چوارشەممە، دەسگیرکردن تووڕیگ راگەیان لەبان دزیکردن ١٣ کێلو تەڵا لەناو دوکانیگ لە جادەی فەلەستین ناوڕاس بەغداد.
وەڕیەوبەرایەتیەگە لە بەیانامەیگ رەسیە ئاژانس شەفەق نیوز وت: مەفرەزەیلمان توەنستن چوار توومەتبار دەسگیر بکەن دوو ژن هاناویان، لەبان دزیکردن ١٣ کێلو تەڵا لەناو دوکانیگ زەڕنگەر لە ناوچەی جادەی فەلەستین ناوڕاس بەغداد.
وتیش؛ دەسگیرکردن ئەو باندە دویای رەسین زانیاری ئەرا نویسینگەی دژەتاوان باب شێخ لە رویداو دزیکردن لەناو دوکانیگ زەڕنگەر، ک تیم کارکردن ئەرا وەشوینکەفتن رویداوەگە دروس کریا، و دویای داناین پلانیگ ئەمنی مەفرەزەیل توەنستنت ئەو توومەتبارەیلە دەسگیر بکەن.
وتیش: ٦ کێلوگرام تەڵا لەلایان گریا، وەگەرد ١٥ مۆبایل جویراجویر.
