نەجەف.. وەسێدارەدان خاڵو مناڵیگ دەسدرویژی سێکسی وەبانی کردگە ئیجا کوشتیەسەی
2024-05-08T13:47:26+00:00
شەفەق نیوز/ سەرچەوەیگ ئەمنی لە نەجەف، ئمڕوو چوارشەممە، خەوەردا کە دادگای تاوانەیل پارێزگاگە فەرمان وەبان تاوانباریگ دەرکرد لەبان کوشتن دویەت خوەشک خوەی لەناوڕاس پارێزگاگە.
سەرچەوەگە ئەرا ئاژانس شەفەق نیوز وت: دادگایی نەجەف فەرمان وەسێدارەدان لەبان تاوانباریگ دەرکرد وەبان تاوان کوشتن دویەت خوەشک خوەی وە ١٥ دەس چەقوو، ئیجا وتیە گوایە سەگ وەرەلا لەشی خواردیە، ئەوەیش لە مانگ گوزەشتە لە ناوچەی گەڕەک میلاد ناوڕاس نەجەف.
سەرچەوەگە دیاری کرد کە بڕیارەگە لە بنەمای مادەی ٤٠٦ لە یاسای سزادان عراقی دەرچگ.
لە ناوڕاس مانگ نیسان گوزەشتە، سەرچەوەیگ ئەمنی لە نەجەف ئاشکرای تاوان کوشتن دویەتیگ لەتەمەنی ١٥ ساڵان کرد کە بکوشەگەی وتیە گوایە سەگ کوشتیەسەی، و سەرچەوەگە وتیش خاڵو دویەتەگە دویای دەسدرویژیکردن سێکسی وەگەردی کوشتیەسەی.
