نەجەف مینەی ژنەیلیگ کەێد دزی لە ماڵەیل کەن
2021-07-05T07:44:57+00:00
شەفەق نیوز/ سەرچەوەیگ ئەمنی لە نەجەف، ئمڕوو دووشەممە، خەوەردا ک دەسەڵاتە ئەمنیەیلە مینەی چەتەی ژنانەیگ کەن دزی لە ماڵەیل کەن، دویای ئەوە ک خاوەن ماڵەیل لە وە هووشەو بەن.
سەرچەوەگە ئەرا ئاژانس شەفەق نیوز وت: خەڵک ناحیەی قادسیە کەفتنەسە ناو رخیگ دویای ئەوە ک ماڵەیلیگ لە ناحیەگە کەفتنە وەر دزیکردن لەلایەن بڕێ ژن وە دەسپیچگیگ چنە ناو ماڵەیلە و خاوەنەیلیان لە هووش بەن، ئیجا تاڵان ماڵەیل کەن.
سەرچەوەگە دیاری کرد ک پۆلیس ناحیەگە ئی داد سکاڵا وەپی رەسی، و هێزە ئەمنیەیلە دەسکردنە وە لێکۆڵینەوە و مینەکردن ئەو ژنەیلە.
