مووسڵ.. زەخمدارەیلیگ لەوەر مرافەیگ خیزانی لەمەوقەی وەخاکسپاردن

شەفەق نیوز/ سەرچەوەیگ ئەمنی، ئمڕوو جمعە، خەوەردا لە زەخمداری سێ کەس دوانیان زەخمەیلیان سەختە، لەوەر مرافەیگ خیزانی لەمەوقەی وەخاکسپاردن ژن پیریگ لە قەورسان وادی عگاب لە مووسڵ ناوەند پارێزگای نەینەوا.

سەرچەوەگە ئەرا ئاژانس شەفەق نیوز وت: گەنجیگ دەڵەک پیاو پیریگ دا و عگاڵەگەی لەسەری خست، تا گەنجیگ تر لەلای خوەیەو دەس لەو کابرا بوەشنێد، و برای کابرای دەڵەکدەر دەوانچە دەرکرد وتەقە لە مەردم ناو قەورسانەگە کرد، و سێ کەس زەخمدار کرد تا مەردمەگە دەوانچە لەدەسی سەنن.

سەرچەوەگە وتیش:  مەردمەیل ئەو شوینە کابرای تەقەکەر وەگەرد براگەی ک مرافەگە نادەو گیر هاوردن، و زەخمدارەیل وەرەو خەسەخانەی جەمهوری رەوانە کردن.

سەرچەوەگە وتیش؛ دووان لە زەخمدارەیل گولە داگە ناوزگیان، و سێیەمەگە گولە لەپای دا.