موسڵ.. ئاژەڵفروشیگ گیان لەدەسدەێد گومان توبشهاتنی وە بیماری "تەو خوین وەربوین" هەس
2024-05-05T09:02:55+00:00
شەفەق نیوز/ سەرۆکایەتی تەندروسی نەینەوا، ئموو یەکشەممە، راگەیان حالەتیگ مردن توومارکریایە کە گومان کرێد تویشبویە وە بیماری "تەو خوین وەربوین" ئەو کەسە "پەز فروشە" لە موسڵ، دووپاتکرد چەوڕێ ئەنجام کۆتایین لە تەندروسی گشتی بەغداد.
وەڕێوەبەر خەسخانەی ئبن سینا لە موسڵ دکتۆر سەعەد خەتابی وە ئاژانس شەفەق نیوز وت "کەسیگ لە داڵگبوی 1974 لە ئەنجام ئەوەگ گومان کرێد وە تەو خوینوەربوین تویشهاتیە گیان لەدەسدا".
ئاشکەرایکرد "ئەو کەسە دویەشەو بریاسە خەسخانەی ئبن سینا و وشکنین تاقیگەیی ئەرای کریاس دەرچگە گومانکرێد وە تویشهاتن وە تەو خوین وەربوین لەدویای ئەوەگ نیشانەیل لەلی دەرچگە" وتیش "دەسوەجی ئەو کەسە کەرەتین کریاس، باوجی لەدویای ئەوە کووچ دویایی کرد".
وتیش"چەوڕێ ئەنجام تاقیگەیل تەندروسی گشتین لە بەغداد کەپشتڕاس تویشهاتن وە تەو خوینوەربوینی کەێد یا نە".
