مناڵیگ "گەیاکەر" چوودە ناو فڕۆکەخانەیگ عراقی و پەک کاروانیگ خەێد
شەفەق نیوز/ سەرچەوەیگ ئەمنی لە پارێزگای نەجەف، ئمڕوو سێشەممە، خەوەردا ک مناڵیگ هیشت فڕۆکەخانەی نەجەف بچوودە ناو "ئامادەباشی".
سەرچەوەگە ئەرا ئاژانس شەفەق نیوز وت: مناڵیگ خوار دە ساڵان توەنست بچوودە ناو فڕۆکەخانەی نەجەف، وبڕەسێدە خاڵیگ ک لەورا فڕۆەکیگ ئیرانی ئامادەی باڵگردنە، ئەوەیش ئەرا گەیاکردن لە کەسەیل ناو فڕۆکەگە.
سەرچەوەگە دیاری کرد ک: ئاسایش فڕۆکەگە لەو مناڵە ئاگادار بوی، وکاروانەگە تا زیاتر لە دوو ساعەت خستەدویا، وسوارویل فڕۆکەگە داوەزان تا مینەی کەسەیلیگتر لەناو فڕۆکەگە بکێد، ودیاری کرد ک هیز ئەمنی فڕۆکەخانەگە ئەو مناڵە گردن وخستنەی دەیشت فڕۆکەخانەگە، دویای ئەوە ک فڕۆکەخانەگە کەفتە ئامادەباشی.
سەرچەوەیگتر ئەمنی ئەرا ئاژانس شەفەق نیوز وت: ئەو مناڵە توەنست لە گشت قەڵغانەیل فڕۆکەخانەگە رەد بوود و بڕەسێدە شوین فڕۆکەیل، ک تا ماوەیگ لەورا لە گەشتیارەیل گەیا کرد، وتیش: مناڵەگە هەر لە شەفەق ئمڕوو لەناو فڕۆکەخانەگە گەردیە و کەسیگ نوای نەگردیە، ئیجا چیەسە پاچینەی فڕۆکەیل، تا رەسیەسە فڕۆکەی ئیرانی (ئیران ئایەر ٥٣١٨) ک داشت ئامادە ئەرا باڵگردن کرد، تا پیاویگ لە ئاسایش فڕۆکەگە داوای تکت سواربوین لەو مناڵە کردیە، ومناڵەگەیش وتیە من نەهاتمەسە گەشتیاری باوجی من خوازم بچمە ماڵ خوەمان لە ناوچەی براکیە.
لەپشت ئەوە، ئاسایش فڕۆکەگە ئاگادار تیم رانندەیل کردیە، وگشت سوارەیل داوەزاننە، وهاتنەسە شوین چەوەڕیکردنەگە، تا نزیکەی دوو ساعەت ئەو کاروانە دیرکەفت.
