مردن و زەخمداری دوو مەدەنی وە دوو رویداو جیاواز لە سەڵاحەدین
2023-10-10T08:06:57+00:00
شەفەق نیوز/ سەرچەوەیگ ئەمنی لە سەڵاحەدین، ئمڕوو سێشەممە، خەوەردا لە مردن و زەخمداریبوین دوو مەدەنی کە یەکیگیان مامووسای زانکۆیە وە دوو رویداو جیا جیا.
سەرچەوەگە وە ئاژانس شەفەق نیوز وت " مامووسایگ زانکۆ لەبان ری بێجی-کەرکوک گیان لەدەسداس وە پلیان ماشینەگەی و دەسدان کۆنترۆل وەبانی".
وتیش" تەرم مامووساگە ئەرا پزیشک دادوەری کلکریاس و دەسڵاتدارەیل ئەمنی لێکۆڵینەوە لە رویداوەگە وازکردنە".
لە رویداویگتر وەپای هەمان سەرچەوە گەنجیگ بیس ساڵان تویش زەخمداری هاتیە لە ئەنجام مەرافەیگ وە چەقوو لە دەوروگەرد قەزای سامەرا باشوور خوەرهەڵات تکریت.
وتیش "گەنجەگە لەئەنجام مەرافیگ وەگەرد گەنجیگتر کە هاوسایانە لەوەر وردەورد لەبان 15 هەزار دینار تویش زەخمداری هاتیە لە کویچەی جبیریەی سێیەم لە دەوروگەرد سامەرا".
دیاریکرد، "ئیرنگە گەنجەگە بارودۆخی ناجیگیرە و هالە خەسخانە".
