مردن و زەخمداری 8 کەس وە رویداوەیل هاتوچو لە سێ پارێزگا
سەرچەوەیگ ئەمنی لە کەرکوک وە ئاژانس شەفەق نیوز وت، "فەرمانبەریگ لە کارەبا وە مدوو کارەبا گردن لە مەوقەی کار خاسەوکردن گیانلە دەسدا لە دەوروگەرد ناحیەی زاب بویچگ لە باشوور خوەرئاوای کەرکوک"، ئاشکەرایکرد "فەرمانبەرەگە 49 ساڵانە تەرمەگەی ئەراپزیشک دادوەری کلکریایە دەسڵاتدارەیل ئەمنی لێکۆڵینەوە لە رویداوەگە وازکردنە".
لە دیالە 4 گەنج وە رویداو هاتوچو لەیەکەوداین دوو ماتۆڕسکیل زەخمداربوینە لەبان ری خاڵس ـ کەرکوک باکوور خوەرهەڵات بەعقوبە.
دیاریکرد "دەسڵاتدارەیل ئەمنی رێکارەیل پێویست وەرگردنە".
سەرچەوەیگ ئەمنیش لە سەڵاحەدین خەوەردا لە مردن مەدەنیگ و زەخمداریبوین دوو کەس وە رویداو هاتوچوی.
سەرچەوەگە وە ئاژانس شەفەق نیوز وت "مەدەنیگ گیان لە دەسدایە دوانیش زەخمدارن وە لەیەکەوداین ماشین بویچگیگ وەرد بارهەڵگریگ لەبان ری کەرکوک ـ تکریت نزیک ئاوای نەوافل".
وتیش "تەرم قوربانیەگە ئرا پزیشک دادوەری کلکریایە و زەخمدارەگانیش ئەرا چارەسەرکردن بریانەس خەستەخانە، دسڵاتدارەیل هاتوچوی لێکۆڵینەوە لە رویداوەگە وازکردنە".
