مردن و زەخمداری 10 کەس وە تەقیان ئەماریگ سزەمەنی لە ناو کارخانەیگ لە بابل
2023-11-01T11:46:43+00:00
شەفەق نیوز/ سەرچەوەیگ ئەمنی، ئمڕوو چوارشەممە، خەوەردا لە مردن و زەخمداری 10 کەس لە ئەنجام تەقیان ئەماریگ سزەمەنی لەناو کارخانەیگ لە پارێزگای بابل.
سەرچەوەگە وە ئاژانس شەفەق نیوز خەوەردا، " سێ کەس گیان لەدەسدایە و هەفت کەسیش زەخمدارە لەناویانیش بارودۆخی ناجیگیرە لە ئەنجام تەقیان ئەماریگ کە گومان کرێد مادەی سزەمەنی لەناوی بویە، لەناو کارخانەی (سُكّر الاتحاد الأهلي) لە شار حلە ناوەن پارێزگای بابل.
سەرچەوەگە وتیش، " ماشینەیل فریادڕەسین زەخمدارەیل ئەرا خەسخانە کلکردنە تا چارەسەر پێویست وەربگرن، تەرمەیلیش ئەرا پزیشک دادوەری بردنە".
