مردن ئەندامیگ لە حەشد لەوەر زەخمەیلەی دویای پەلاماریگ لە سەڵاحەدین

شەفەق نیوز/ سەرچەوەیگ ئەمنی لە سەڵاحەدین، ئمڕوو دووشەممە، خەوەردا لە مردن ئەندامیگ لە حەشد شەعبی لەوەر زەخمەیلەی، دویای پەلامار تەقەلای کوشتنی لە وەختیگ گوزەشتە لە دەورگرد قەزای دووزخورماتوو.

سەرچەوەگە ئەرا ئاژانس شەفەق نیوز وت: ئەندامیگ لە لیوای ١٥ی حەشد شەعبی، لەوەر زەخمەیلەی دویای پەلاماریگ تەقەکردن وەلایەن کەسەیلیگ چەکدار وە کووڵ ماتۆرسکڵ لە دەی ئی مانگە لە ناوچەی حەی عەسکەری دەورگرد دووزخورماتوو، ئمڕوو گیانی لەدەسدا.

سەرچەوەگە وتیش: تەرم حەشدەگە ئەرا پزشک دادوەری کلکریا.

لە دەی ئی مانگە، چەکدارەیلیگ پەلامار ئەندامیگ لە حەشد لەوەر وەناو (تەحسین نەجات عەواد) لە دەورگرد دووزخورماتوو دان، وە هووکارەیل نادیاریگ.