مردن دوو مناڵ وە هیزگردن ئاگر لەناو ماڵیان لە خوەرهەڵات بەغداد
2024-08-22T13:41:29+00:00
شەفەق نیوز/ سەرچەوەیگ لە وەڕێوەبەرایەتی وەرگیری شارستانی، ئمڕوو پەنجشەممە، خەوەردا لە مردن دوو مناڵ وە هیزگردن ئاگر لەناو ماڵیان لە خوەرهەڵات بەغداد.
سەرچەوەگە وە ئاژانس شەفەق نیوز وت، دویەت و کوڕیگ مناڵ تەمەن دوو ساڵ و سێ ساڵ لە ئەنجام هیزگردن ئاگر لەناو ماڵیان گیان لەدەسدانە لەناوچەی بەغداد جەدیدە لە خوەرهەڵات پایتەخت.
سەرچەوەگە ئاشکەرایکد، دوو مناڵەگە تویش تاسیان و سزیان هاتنە لە لەشیان و وەی هووکارە گیان لەدەسدا.
تا ئیسە هووکار هیزگردن ئاگرەگە نەزانریاس تا مەوقەی نویسین خەوەرەگە.
