پلاندانان ئەرا "شەفەق نیوز" ئاشکەرای شمارەی دانیشتگەیل عراق 2023 کەێد

قسەکەر فەرمی وەزارەتەگە عەبدولزەهرە هنداوی لە بەیانیگ ئەرا ئاژانس شەفەق نیوز وت، "شمارەی دانشتگەیل عراق ئەرا ساڵ 2023 رەسیەس ئەرا 43 ملیۆن کەس"، دیاریکرد "بەغدا گەپترین شمارەی دانیشتگەیل دیرێد کە رەسیەس ئەرا 9 ملیۆن کەس کە ریژەی  23 % ئەو پارێزگایەیلترە.

هنداوی وتیش، "شار مووسڵ وە پلەی دویەم تێد لە شمارەی دانیشتگەیل عراق کە شمارەگەی 4 مڵیۆن کەسە، بەسڕە وە سێیەم تێد وە شمارەی دانیشتگەیل 3 ملیۆن کەس، کەمترین رێژەی دانیشتگەیل ها لە موسەنا کە شمارەگەی رەسێدە 950 هەزار تا ملیۆنیگ.

دیاریکرد "ریژەی کوڕ لە عراق کەمیگ لە دویەت فرەترە کە رسێدە ریژەی  50.5% باوجی ریژەی دویەت 49.5%".

ئاشکەرایکرد "گەشەی دانیشتگەیل عراق ساڵانە 2.5  ئەی ریژە داوەزیایە وە چەو دە ساڵ گوزەشتە کە زیاتر بوی لە  3%، باوجی زیایبوین کەڵەکەبوی دانیشتگەیل ساڵانە رەسێدە یەک ملیۆن کەس".

هنداوی وتیش"گروپ تەمەنەیل سفر تا پانزە ساڵ ریژەیان رەسێدە 40%، گروپ تەمەن 16 تا 63 ساڵ رەسێدە 56%، گرووپ تەمەن 64 ساڵ ئەوەبان رەسێدە 3,4 %".