لەوەر مارەبڕین.. کوشیان پیاویگ ئاینی وەگەرد کوڕەگەی لە میسان

شەفەق نیوز/ سەرچەوەیگ لە میسان، ئمڕوو سێشەممە، خەوەردا لە کوشیان پیاویگ ئاینی وەگەرد کوڕەگەی لەناوڕاس پارێزگاگە، لەوەر ئەوە ک مارە ئەرا ژنیگ بڕیە.  

سەرچەوەگە ئەرا ئاژانس شەفەق نیوز وت: چەکدارەیلیگ لە هووز (سادەی بخات) تەقە لە پیاو ئاینی (ئاخون) وەناو (رەحیم یاسری) وکوڕەگەی (موقتەدا یاسری) کردن، وهەردوگیان کوشتن، ئەوەیش لەناوچەی ئەبو رومانە لەناوڕاس شار عمارە.  

سەرچەوەگە دیاری کرد ک ئەو پیاوە لەوەر ئەوە کوشیاگە ک مارە ئەرا ژینیگ بڕیە وەبی سڵای باوان ژنەگە، وتیش: هیزیگ ئەومنی رەسیە شوین رویداوەگە، و دوو تەرمەگە وەرەو پزشک یاسایی برد، ولێکوڵینەوە ئەرا بندروس رویداوەگە واز کرد.