لەناویان وەرپرسیگ دیار هەس.. کوشیان 6 داعشی لەئەنجام گورزەیل ئاسمانی لە دیالە
2024-01-07T07:49:03+00:00
شەفەق نیوز/ سەرچەوەیگ ئەمنیلە پارێزگای دیالە، ئمڕوو یەکشەممە، خەوەردا لە کوشیان و زەخمداری 6 ئەندام داعش لەناویان سەرکدەیگ هەس وە گورزەیل ئاسمانی کە ناوچەیل رێکخریاگ داعش لە باکوور خوەرهەڵات بەعقوبە گیریایە ئامانج.
سەرچەوەگە وە ئاژانس شەفەق نیوز وت، فرۆکەیل جەنگی عراقی شمارەیگ پەلاماردان ئەنجامدان لەبان حەشارگەیل داعش لەئاوای (شێخی و موخێسەو کوبە) سەر وە ناحیەی ئەبی سەێدا 30کم لە باکوور خوەرهەڵات بەعقوبە.
سەرچەوەگە وتیش، لە ئەنجام گورزەیلە 6 ئەندام داعش کوشیایە لەناویانیش کەسیگ کە وە (مەجید مەعیوف سولێمان دلێمێ) ناسریاگە وەرپرس رێکخستنە لە رێکخریاگەگە وەپای زانیاری سەرەتایەگان.
دووپاتکرد، هێزە هاوبەشەیل پۆلیس و سووپا ئۆپراسیۆنیگ ئەمنی گەپیگ ئەنجامدان ئەرا ئەرا ئاخڵەدان حەشارگەیل داعش و پاڵپشتی مفرەزەیل داپووشین ئاسمانی و مەفرەیل رویوەروی بوینەوەی تەقینەوە.
