لە ماوەی چەن رووژ ئایندە شەپوولیگ واران رویکەێدە ناوچە جیاجیایل عراق
2024-01-29T09:32:04+00:00
شەفەق نیوز/ کەشناس عراقی عەلی جابر زیادی، ئمڕوو دووشەممە مەزەنەکرد ناوچەیل خوەرئاوای عراق ئەوریگ واراناوی دروسکردیە لەشەو وەرەو بەشەگان باکوور جویلیەێد.
زیادی ە ئاژانس شەفەق نیوز وت، "پسایگ واراناوی فراوانیگ لەدویای نیمەڕوو سوو سێشەممە روی کەێدە ناوچەیل باکوور و ناوڕاس و واران وارین لە باکوور وڵاتەگە تونترەوبوود".
وتیش "لە رووژ پەنجشەممەی ئایندە وە دیاریکریاگی لەناوچەیل ناوڕاس و باشوور واران وارێد، تونی واران وارینەگە لەناوین تونی ناوڕاس و رفتیگە لە ناوچە جیاوازەگان".
زیادی دیاریکرد "سوو پلەی گەرمی بەرزەوبوود مەزەنەکرێد لەکۆتایی هەفتە پلەی گەرمی وە سێ پلە داوەزێد وە تایوەت لە رووژەیل جومعە و شەممەی ئایندە وە مدوو رەدبوین بارستە وای سەردیگ".
