لەماوەی کەمتر لە 12 ساعەت... وەناو هاتن 19 هەزار ئیرانی ئەرا عراق توومارکریا
2024-03-19T11:02:50+00:00
شەفەق نیوز/ لێپرسیاگ قەزای مێهران لە پارێزگای ئیلام غەرب ئیران، عەلی عەباس شەفیعی، ئمڕوو سێشەممە، وت، وە لەوەرچەوگردن بڕ زیارەتکەرەیل ئیمام حوسەین رەزای خودا وەبانی بوود و سەرساڵ نووی ئیرانی، 5 دەروازەی ترەک ئەرا دەروازەی میهران زیایکریایە کە رەسێدە دەروازەی زڕباتیە هاوسنوور وەرد عراق.
شەفیعی ئاشکەرایکرد لە بەیاننامەیگ کە ئاژانس شەفەق نیوز ئیسفایکردیە؛ " وە لەوەر چەوگردن زیارەتکەرەیل کە ئەزرەت زیارەت کەن ئەرا مەزار ئیمام حسێن "ر.خ" و ساتەوەخت دەسکردن وە ساڵ نوو ئیرانی، 19 هەزار دەرچگن ئەرا عراق توومارکریایە لەری دەروازەی مێهران لەنیمەی شەو تا ساعەت دەی ئمڕوو شەوەکی".
وتیش "کاروانەیل خێزانەیلە ئەرا دەروازەی مێهران سنووری وەردەوامە لەوەر کەمی توانای عراق 5 دەروازە ئەرا شمارەیگلە دەروازەیل زیاکریا، و ئیرنگە 15 دەر هاوەردەم خزمەتکردن زیارەتکەرەیل لە دەروازەی مێهران".
دیاریکرد "وەرد وسیان واران سەردانکەرەیل رویوەروی هویچ گیچەڵیگ نەوینە لەبان سنوور و جموجویل هاتوچو وە بی وەیی وەڕیوە چوود".
