لەماوەی یەک مانگ عراق ئەرا پلەی شەشەم سەنین ماڵ و مولک لە تورکیا داوەزیا

 دەسەگە لە راپۆرتیگ کە ئاژانس شەفەق نیوز دیەسێ وت، فروشتن ماڵ وە بیانیەیل وە رێژەی 45.1٪ داوەزیایە لە مانگ حوزەیران ئمساڵ وە بەراورد وەرد هەمان مانگ لە ساڵ پارەکە رەسەی هەزار و 440 ماڵ.

ئامار فروشتن ماڵ وە بیانیەل رەسیە  1.8٪ لە کووی گشتی فروشتن ماڵ لە مانگ حوزەیران، ئەو پارێزگایەیلە بەرزترین شمارە توومارکردنە لە فرووشتن بریتین  ئانتالیاـ 593، ئستەنبول  478، و مێرسین 116.

دەسەگە دیاریکرد "روسیەگان هالەبان ئەو وڵاتەیل ترەک لە زیاتر سەنین ماڵ و مولک لە تورکیا لەماوەی مانگ حوزەیران وە   332 ماڵ، لەدویایان ئیران وە پلەی دویەم تێد وە   سەنین 156 ماڵ،  ئۆکرانیا وە سێیەم تێد وە  102 ماڵ، ئەڵمانیا وە چوارەم تێد وە 95 ماڵ ، کازاخستان وە پەنجەم تێد  وە 76 ماڵ ، عراق  وە شەشەم تێد وە 61 ماڵ، ئازەربایجان ئەرا پلەی هەفتەم داوەزیایە وە  51 ماڵ، سعودیە ئەرا 47 ماڵ داوەزیایە".

عراقیەیل لە ساڵ 2015 لە لیست بسینەیل ماڵ بوین لە تورکیا، وەرد سەرەتای ساڵ 2021 داوەزیانئەرا پلەی دویەم لەدویای ئیران، دویای زاڵبوین روسیا وەبان ماڵ و مولک تورکیا لە  مانگ نیسان 2022 ئەرا پلەی سێیەم داوەزیا.